ജോഗ്രഫിയുടെ ചരിത്രം

അസ്തിത്വത്തിന്റെ പൊരുളന്വേഷിക്കുന്ന മനുഷ്യന്‍ പ്രത്യക്ഷപ്പെട്ടത് ഇന്നോളമുള്ള പ്രപഞ്ച ചരിത്രത്തില്‍ ഏതാനും “ നിമിഷ” ങ്ങള്‍ക്കു മുമ്പാണ് എന്നിരിക്കലും കാലത്തിലൂടെ പിറകോട്ടുകുതിക്കാന്‍ പ്രാപ്തനായിരുന്നു അവന്‍ . പ്രപഞ്ചരഹസ്യങ്ങള്‍ ഓരോന്നായി അനാവരണം ചെയ്തുകൊണ്ട് അവന്‍ സ്വയം കണ്ടെത്തുകയാണ് , അതിലൂടെ എണ്ണമറ്റ വിജ്ഞാന ശാഖകള്‍ ജന്മമെടുത്തു. മനുഷ്യനെ പെറ്റുവളര്‍ത്തുന്ന ഭൂമിയേയും അതിലെ പ്രതിഭാസങ്ങളേയും കുറിച്ചൂള്ള അന്വേഷണമാണ് എല്ലാറ്റിന്റേയും തുടക്കം , അതുകൊണ്ടുതന്നെ ഭൂമിശാസ്ത്രം ഏറ്റവും പഴക്കം ചെന്ന ഒരു വിജ്ഞാന ശാഖയാണ് .പ്ക്ഷെ ജോതിശാസ്ത്രം , ജ്യാമിതി തുടങ്ങിയ ശാസ്ത്രങ്ങളും ഉള്‍ച്ചേര്‍ന്നതായിരുന്നു അത് . ഒരു സ്വതന്ത്ര വിജ്ഞാന ശാഖയായി ഭൂമിശാസ്ത്രം വളര്‍ന്നു വന്നത് പതിനെട്ടാം നൂറ്റാണ്ടിലാണ് .